The Relationship Code

甲：你有冇A呀？
乙：（表情曖昧）
甲：咁你有冇B丫？
乙：下？冇喎！
丙：你係B左然後未A丫定係點先？
乙：唔係啦！
丙：唔怕喎，A同B可以並存咕喎~ B可以係A但係A又唔一定要係B﹔B又可以唔係A咕喎。
乙：我又冇A又冇B呀！
甲：咁你係咪想要B先，B俾錢就會有咕喎。
丙：（轉向甲）咁你有A未丫？
甲：未呀，連B都冇。
丙：咁你打算幾時E丫？
甲：30歲啦。
丙：咁你覺得你實唔實行到丫？
甲：呢d野只可以順其自然架o乍。當然最好就梗係由C開始啦。
丙：但係你都有好多C咕喎，你想點先。
甲：冇架，呢d野要黎就黎架啦。
丁：咁你有D未丫？
甲：唔......都叫做有o既。
丁：咁即係剛o岩識o既？
甲：都可以咁講。
丁：你係單向地D定係佢又D你先？
甲：咁梗係我D佢啦！
丁：有時d野好難講咕喎，有可能你D佢時佢又D你呢。
甲：唔會啦，話明D丫嘛，梗係單向架啦。我之前o係舊司都有一個D架，我進步到我走的時候大家都好驚訝咁話「下乜你識佢架？」（轉向丁）咁你有冇D丫？
丁：之前有，而家......唔想再D佢。
甲：點解呀？
丁：我其實都D左佢好耐架喇，我o係好早知道佢唔會係A時佢又唔會A我，但係我只係想要一個答案o者。不過我而家連答案都唔想要喇。
甲：不如你搵佢做B啦！
丁：你低能啦你！